Monday, 4 July 2016

ती बोलत नाही काही

ती बोलत नाही काही
डोळ्यांनी सुचवत जाते
निःशब्द किनारा त्याचा
श्वासाने उसवत जाते

भारल्या निळ्या डोळ्यांच्या
काठाशी काजळमाया
ती मिटते पापण त्याच्या
अंतरात उतरत जाते

ती दिसते सावळ राधा
तो गोमट गोरा कान्हा
रंगात रूप दोघांचे
मग ऐसे मिसळत जाते

ती बोलत नाही काही
डोळ्यांनी सुचवत जाते..

-बागेश्री

Featured post

मला भेटलेली गाणी: अप्सरा आली

.... चित्रलेखा लगबगीनं ह्या दालतानातून त्या दालनात, दिसणार्‍या प्रत्येक दास- दासीला काही ना काही अखंड सूचना देत चालली होती. आजचा तिच...