Sunday, 6 August 2017

ती बोलत नाही काही

ती बोलत नाही काही
डोळ्यांनी सुचवत जाते
निःशब्द किनारा त्याचा
श्वासाने उसवत जाते

भारल्या निळ्या डोळ्यांच्या
काठाशी काजळमाया
ती मिटते पापण त्याच्या
अंतरात उतरत जाते

ती दिसते सावळ राधा
तो गोमट गोरा कान्हा
रंगात रूप दोघांचे
मग ऐसे मिसळत जाते

ती बोलत नाही काही
डोळ्यांनी सुचवत जाते..

-बागेश्री

No comments:

Post a Comment

Featured post

आजीमाय

लग्न कार्याशिवाय माझं माझ्या आजोळी, नांदेडला जाणे होत नाही. एकदा असेच लग्नकार्यानिमित्त तिथे होते,  साधारण दीड- दोन वर्षांपूर्वी. मामे- भाव...