Monday, 4 December 2017

डोळे

मला तुझे डोळे
माझ्यासारखेच वाटतात
तितकेच खोल, तितकेच अपूर्ण
एकेकदा असंही वाटतं
मला आणि तुला
दिसतही सारखंच असावं
वाटतही सारखंच असावं
आपल्यात
रुजतही सारखंच असावं
पण तू माझ्याकडे पाहतोस तेव्हा
तुला दिसणारी मी
मला नाहीच दिसत कधी..
मग घेऊन जाते
तुझी नजर
मला ओढून अन्
तुझ्या आत
आणते फिरवून
माझ्याच वेगवेगळ्या रुपांमधून!
 आणि सोडते जेव्हा .. बाहेर आणून
तेव्हा मात्र, माझी खात्री झालेली असते..

तुझे माझे डोळे
अगदी सारखे आहेत

-बागेश्री

Featured post

मला भेटलेली गाणी: अप्सरा आली

.... चित्रलेखा लगबगीनं ह्या दालतानातून त्या दालनात, दिसणार्‍या प्रत्येक दास- दासीला काही ना काही अखंड सूचना देत चालली होती. आजचा तिच...